Muri Paruwasi ya Ruli tariki 2 Gicurasi 2025 ku bufatanye n’abafatanyabikorwa ba Paruwasi binyuze muri Komisiyo y’iterambere rya muntu ryuzuye muri Arikidiyosezi ya Kigali hatanzwe ingurube z’amashashi 12 zifite agaciro ka 1,200,000Frw ku bakiristu batishoboye.
Izi ngurube zahawe abatishoboye zizbafasha kwiteza imbere no kwikura mu bukene.
Abahawe izi ngube bavuga ko bazazitaho neza uko bikwiriye zikabaha icyororo ndetse zikabafasha kwikura mu bukene ikabaha n’ifumbire bagahinga bakeza.
Iki gikorwa cyo koroza aba baturage cyakozwe muri gahunda y’iterambere ryuzuye rya muntu nk’uko yatangijwe muri za Paruwasi hirya no hino.
Abaturage bahawe ingurube mu rwego rwo kubakura mu bukene
Gahunda y’iterambere rya muntu ryuzuye ni gahunda igamije mbere na mbere kubaka ubushobozi bwa Caritas ya Paruwasi. Ishingiye kukwegeranya inkunga binyujijwe mu buryo bwo kwiyemeza gutanga imfashanyo y’abakene n’abatishoboye buri kwezi, kandi uwabyiyemeje akiyandikisha (souscription).
Umuyobozi wa Cartis Kigali na Komisiyo y’Ubutabera n’Amahoro muri Arikidiyosezi
Ati “ Izatuma Caritas ya Paruwasi ishobora guhorana “mu kebo agafu ko gufasha umukene wese uje abagana”.
Padiri yasobanuye ko iyi gahunda batangiye kuyitekereza nyuma ya COVID 19 ,muri 2021, aho basuye Paruwasi hafi ya zose zo muri Arikidiyosezi ya Kigali bakayiganiraho, kandi bagasanga yakirwa neza.
Ati “Hashize umwaka tuyikorera ubukangurambaga kuri Pacis TV ndetse na Radio Maria Rwanda.Twiteguye kandi gukomeza ubukangurambaga, hakoreshejwe uburyo bunyuranye kugira ngo irusheho kumenyekana”.
Abakangurambaga biyemeje kuba abambere mu gushyigikira iyi gahunda biheraho kugira ngo batange iyo nkunga ndetse baniyemeza gushishikariza abandi kuyitabira.
